2018 WESKUS EN NAMAKWALAND BLOMMETOER.

U kan by ons toere aansluit in Johannesburg of in Kaapstad.

2018 Se Weskus en Namakwaland Blommetoere is oop vir bespreeking.

Datums

22  AUGUSTUS  2018

29  AUGUSTUS  2018

 

 

U kan by ons toere aansluit in Johannesburg  en  ook in Kaapstad.  Kontak ons gerus om vir u die inligting te stuur.

Riana Maas

0832687711

toersuidafrika@gmail.com

 

Skilpad in die Namakwa Nasionale Park. 'n Fees vir die oog.
Premier Classe Sitkamer.
Premier Classe Kompartement.
Premier Classe Eetwa.

Ons het nog plek vir die 2018 se Luukse Weskus en Namakwaland Blommetoere. Bel ons vandag. Riana 0832687711

TOER  SUID  AFRIKA

bied aan:

-----   Die Weskus en Namakwaland Blommetoere   ------

   15, 22 & 29  AUGUSTUS  2018

R15000.00  PER  PERSOON  WAT  DEEL

R18000.00  VIR  ENKEL REISENDE PERSOON

 

Toer Suid-Afrika bied die jaar  twee  8-dae blommetoere aan.  Ons gaan nie net vir Namakwaland besoek nie; ons gaan ook die pragtige Weskus besoek.  Om tyd te spaar,  vlieg ons vanaf Lanseria of OR Tambo lughawe na Kaapstad, reis deur Namakwaland, en kuier op die Weskus.  Ons reis dan met die Premier Classe trein terug na Johannesburg vanaf Kaapstad.

 

KIES  ASB  EEN  VAN  DIE  VERSKILLENDE  PAKETTE HIERONDER.

 Vanaf JHB Vliegtuig en Premier Classe trein kaartjie ingesluit.

8 dae 7 nagte

****

Vanaf Kaapstad na Kaapstad

6 dae 5 nagte

****

Die toer sluit in: -

Ingange by die plekke wat ons besoek

Luukse toerbus.

Vliegtuig kaartjie

Trein kaartjie met etes op die trein

 Toergidse

 Portier gelde

Aandete, Bed,  en Ontbyt.

Uitgesluit is:-  fooitjie vir die Busbestuurder

Middagete en drankies is vir u eie rekening.

Dag 1.

Vandag vertrek ons vroeg vanaf Lanseria Lughawe –Jhb. Ons ariveer in Kaapstad. Ons roete neem ons deur die pragtige streek van Canola lande, Malmesbury, verby Piketberg en oor die Piekenierskloof-pas. Ons besoek vandag Clanwilliam.  Ja, dit is hier waar die Rooibostee-plant natuurlik groei en ook vandag op groot skaal geproduseer word.  Ons besoek die Rooibostee-fabriek, Strassberger veldskoen-fabriek, en die pragtige Ramskop Natuurtuin, waar u 'n groot verskeidenheid veldblomme, vetplante en Kokerbome sal kan sien.  Ons oornag op Clanwilliam op Aandete, Bed en Ontbyt -basis.

Dag 2.

Vandag lê 'n mooi dag vir ons voor.  Ons vertrek vanaf Clanwilliam en reis deur die dorpie Vanrhynsdorp, deur die Knersvlakte, oor die Vanrhynspas na die klein dorpie van Nieuwoudtville.  Die dorpie is bekend as die bolplant-hoofstad van die wêreld.  Hier is bolplante wat inheems is net aan die streek, en ook 'n groot verskeidenheid plante wat meeste van ons nog nooit gesien het nie. Ons besoek ook die mooi NG Kerk wat uit sandsteen gebou is, en sien ook die pragtige wit sandsteen-preekstoel in die kerk.  Ons besoek ook Nieuwoudtville-waterval en soek die beste blomme in die streek.  Ons vertrek weer in die namiddag terug na Vanrhynsdorp, waar ons oornag op Vredendal, op Aandete, Bed en Ontbyt -basis.  Drankies is vir u eie rekening.

Dag 3.

Nog 'n dag van mooi blomme.  Ons reis vandag verder verby dorpies soos Nuwerus, Bitterfontein, Garies, en Kamieskroon. By Kamieskroon verlaat ons die N7 hoofweg en ry dan na die bekende Namakwa Nasionale Park waar ons besoek aflê by Skilpad.  Dit is hier waar u die plate met geel en oranje Namakwaland-daisies sien.  Na ons besoek aan Skilpad, vertrek ons weer en reis verder Noord, verby pragtige groot klipkoppe met Vygies en Botterblomme en ander blomspesies.  Ons is oppad na Springbok, die Hoofstad van Namakwaland.  Ons oornag in Okiep op Aandete, Bed en Ontbyt -basis.  Drankies is vir u eie rekening.

Dag 4.

Vanoggend, na ontbyt, ry ons na waar die blommetjies ons lei.  Gewoonlik in die omgewing van Okiep, Concordia en Springbok.  Ons oornag in Okiep op Aandete, Bed en Ontbyt -basis.

Dag 5.

Vandag reis ons terug na die Suide toe, en besoek die pragtige Velddrif, Laaiplek en Port Owen.  Hier leer ons van bokkoms en oornag dan by ons hotel op Veldrif, op Aandete, Bed en Ontbyt -basis.         

Dag 6.

Vandag besoek ons die Weskus Nasionale Park, en natuurlik ook die blomryke Postberg. Na ons besoek, vertrek ons terug na Kaapstad en beoog om teen so 5nm by Century City se Tsogo Sun Stay Easy hotel te wees.  Ons oornag in Kaapstad.  Geen aandete.  Alleenlik Bed en Ontbyt -basis.

Dag 7.

Vanoggend staan ons vroeg op.  Geniet ontbyt, en gaan dan na Kaapstad Stasie, waar ons 9.00vm met die Premier Classe trein vertrek terug na Johannesburg.  Bed, Ontbyt, Middagete en Aandete is ingesluit op die trein.

Dag 8.

Vandag kom ons aan die einde van die toer.  Ons arriveer in Johannesburg, enige tyd vanaf 12.00nm.

Kontak vir Riana en Peter Maas indien u enige verdere navrae het.

Epos:   toersuidafrika@gmail.com

Sell:      0832687711

Whatsapp:  0832687711

Kom bederf uself. Kom neem u eie fotos in hierdie blomme-skouspel van ons pragtige land. Ons toer met 'n heerlike toerbus. Ons ry heerlik trein. Eet lekker kos. Ontmoet nuwe vriende.

 

 

Kalkoentjie
Sparaxis Tricolour
Scent kannetjie
Ons gebruik Hylton Ross se pragtige luukse toerbusse.

Ons is trots op ons toere.  U word bederf met pragtige verblyf. Ons gaan uit ons pad om vir u die blomme te wys.  U kry werklik 'n toer van wonderlike luukse gehalte....KOM SAAM EN WORD HEERLIK BEDERF.

Kom geniet die toer Ons belowe dat u nie spyt sal wees nie.

Baie dankie

Peter en Riana Maas

TOER SUID AFRIKA

www.toersuidafrika.com

epos  toersuidafrika@gmail.com

0832687711

 

Ons is trotse Suid Afrikaners

 
Peter en Riana Maas is trotse Suid Afrikaners.  Ons is al baie jare in die toerbedryf in Suid Afrika.  Ons het besef dat daar so baie Suid Afrikaners is wat nog nie ons mooi land gesien het nie.  Vir ons is dit 'n eer om dit aan u te wys, en te vertel van die plekke wat ons al besoek het, en graag ook vir u wil wys.

Ons toer met trots deur die plekke op ons reisplan. Ons probeer altyd sover moontlik om te oornag op plekke van goeie gehalte.  Ons bied graag vir u waarde vir u geld.

Betreffende die NAMAKWLAND Blomme-toer:
 
U treinkaartjie en vervoer is ingesluit in elke toerpakket.  
U word vergesel en gelei deur  geregistreerde Nasionale Toergidse.  
Drankies en alle ekstras is op alle toere vir u eie rekening.
 
Die toerpakette sluit Aandete, Bed en Ontbyt in op die plekke waar ons oornag.  Alle ander etes, dus Middagetes  verversings en drankies, is vir u eie rekening. 
 -----------------------------------------------------------------------------------------------------------
Op Premier Classe trein (Luukse toer): 
R15000.00 per persoon wat deel (2 persone per kompartement en kamer), en 
R18000.00 indien u nie deel nie (enkel in koepee en kamer).
 
Op die Premier Classe luukse trein is al u etes ingesluit op die trein. Die res van die toer is op Aandete, Bed, en Ontbyt -basis.
 
Die Premier Classe trein is natuurlik luuks, en u word met persoonlike aandag en detail hanteer. U kuier heerlik in die Sitkamerwa en Kroeg, eet soos in 'n goeie restaurant, in styl op keurig-gedekte tafels in die Eetwa, en slaap lekker in u gerieflike kompartement - slegs 2 persone per kompartement, of een persoon per koepee.
U beddegoed en etes op die Premier Classe trein is ingesluit.
-----------------------------------------------------------------------------------------------------------
 Die plekke wat ons besoek en oornag-plekke mag verander, na gelang van beskikbaarheid, en getal mense wat die toer gaan meemaak.  U sal op hoogte gehou word.
------------------------------------------------------------------------------------------------------------
Die toestande en organisasie op die treine is buite ons beheer, maar ons het dit ondersoek en beleef, en ons advies is as volg:
 
Die treinrit tussen Johannesburg en die Kaap neem ongeveer 24 uur, en u moet liefs GEENSINS die trein verlaat oppad nie! 
Neem dus gerus die volgende saam op die trein:
Snoepgoed (lekkergoed, versnaperings), 
Leesstof (tydskrif, koerant, boek), 
Drinkwater (bottel water), en enige spesiale geur-drankies wat u verkies - drankies kan wel aangekoop word op die trein, maar dit kan gebeur dat dit uitverkoop word..
VOLGELAAIDE selfone en ander VOLGELAAIDE batterye.
u spesiale Medisyne(s) (Rennies?, hoofpynpille?, hoesgoed?, ens, wat u dalk mag nodig hê) en enigiets wat u daagliks moet gebruik (daar is nie kans om 'n Apteek te besoek tydens u treinreis nie)
 
(Handdoek en Kamerjas word voorsien op die Premier Classe trein)
------------------------------------------------------------------------------------------------------------
Baie dankie vir u belangstelling. 
Bespreek u toer NOU (indien u nie alreeds het nie) - sien ons BESPREKINGS-blad op die 'MENU' aan die linkerkant, genoem: 'REGISTREER ASB HIER' of 'REGISTRASIE VORM'

Toer ook saam met ons met die volgende toere:
en vele meer! Sien nog lang toere, en dagtoere, op die 'MENU' boontoe aan die linkerkant

Ons bied toere aan na verskillende interessante streke en plekke regdeur Suider-Afrika, en veel meer van die toere sal mettertyd op hierdie webtuiste geplaas word -- hou dit gerus dop. 
 
Indien u 'n interessante uitstappie of toer wil beplan, kontak ons gerus - ons het dit al vele male gedoen, en help u graag daarmee. 
 
Ons bied ander dienste verwant aan die toerbedryf aan, soos Konferensies, Spyseniering, en Venue-verhuring, veral in die Pretoria omgewing.


Peter en Riana Maas
TOER SUID AFRIKA
0832687711
 
 
 
 I like this page• 10 persons like this page
Share this page on Facebook
 

Write a new comment: (Click here)

SimpleSite.com
Characters left: 160
DONE Sending...

Pulani Poitgieter | Reply 02.04.2018 22.32

Step baie belang in Luuse Weskus en blommetoer in Aug, 22-29.
Sal u vir my meer in lifting kan gee, prys en van waar tot waar, asb?

Annetjie | Reply 13.03.2018 09.26

Wil graag saam met julle gaan toer die 30ste Augustus 2018 Stuur vir my 'n e-pos na akotze3@oldmutualpfa.com

Jeannette Goosen | Reply 11.09.2017 21.31

Is daar nog blom toere die die jaar oor

Riana 11.09.2017 21.50

Blommetoer vir die jaar is verby. Groete Riana Maas

Ma rtha schlechter | Reply 28.08.2017 20.34

I would likvir die 23_ 30/08/2017e to get the price for 2 adults from Cape Town to end in Johannesburg for 23_30/08/2017
Thank you
Regards
Martha schlechteel 0

Marlize Strydom | Reply 27.07.2017 07.47

Goeie dag

Kan u my asb meer inligting stuur vir die opkomende Blomme toer.

Groete
Marlize

Mauree Little | Reply 25.07.2017 10.46

U kan asseblief vir my enige van julle Namakwa Toere vir Augustus stuur asseblief

Maureen Little | Reply 23.07.2017 21.15

jammer maar dit is die Premier treinrit waarin ons belangstel....Stuur datums asseblief...

Riana 23.07.2017 21.58

Hello Maureen ons 23—30 toer is vol. Ons het nog so 6 plekke beskikbaar vir die 30 Augustus - 6 September.. Stuur jou epos na 0832687711 vir meer inligting. -

Maureen Little | Reply 23.07.2017 21.06

Goeie naand, sal u asseblief bevestig of daar nog plek is vir die toer 6dae 5nagte, asseblief, ons is 2 persone.....23 tot 30 Augustus 2017

See all comments

| Reply

Latest comments

23.04 | 15:45

Goeie dag
Kan ek asb 'n toer skedule vir 2018/2019 kry
Vriendelike groete

...
16.04 | 20:24

Hello Jenny please send me your email address to 0832687711. Price per person is R15000.00... Two people sharing is R30000. 00

...
16.04 | 19:42

Dear Riana/Peter.

If we are 2 adults going on this tour, would the cost be 15 000?

...
15.04 | 19:55

Hello Sarie.. Dankie vir die navraag oor ons Israel toer. Stuur asb vir my jou epos adres na 0832687711... Groete RIANA MAAS TOER SUID AFRIKA

...
You liked this page
Hi!
Make your own website like I did.
It's easy, and absolutely free.
AD